चीन र अमेरिकाबीच जलवायु परिवर्तनविरुद्ध लड्ने सहमति

संसारमा सबभन्दा धेरै कार्बन प्रदूषण गर्ने चीन र अमेरिकाले जलवायु परिवर्तनविरुद्ध लड्नका लागि अन्य मुलुकसँग सहकार्य गर्ने सहमति गरेका छन् । 

चीनका जलवायु दूत स्ये चनह्वा र उनका अमेरिकी समकक्षी जोन केरीबीच शांघाईमा दुई दिन चलेको वार्तापछि आइतवार दुई मुलुकलेसंयुक्त विज्ञप्ति निकालेका छन् ।

दुई मुलुकले पेरिस सम्झौता बमोजिम तापक्रम सीमामा राख्नेगरी उत्सर्जन घटाउनका लागि सन् २०२० को दशकमा ठोस कार्यका विषयमा छलफल जारी राख्नेछन् । 

सन् २०१५ मा गरिएको पेरिस सम्झौतामा सबै मुलुकहरूले विश्वव्यापी तापक्रम १.५ डिग्री सेल्सियसभन्दा मुनि राख्ने सहमति गरेका थिए । 

चीन र अमेरिकाले संसारमा उत्सर्जन हुने फसिल फ्युलमध्ये आधा जति उत्सर्जन गर्ने गरेका छन् । त्यसले पृथ्वीको वायुमण्डल तातेको छ । 

उनीहरूबीचको सहकार्यले जलवायु परिवर्तन रोक्न सहायता गर्नेछ तर मानवअधिकार, व्यापार तथा अन्य विषयमा दुई मुलुकबीच विवाद छ । 

गत जनवरी महिनामा जो बाइडन राष्ट्रपति बनेदेखि चीनको भ्रमण गर्ने सबभन्दा उच्चस्तरका नेता केरी हुन् ।