कोरोनालाई खेलाँची नठान्नू भन्दै भिडियो रेकर्ड गरेको केही समयपछि बितिन् गर्भवती महिला

भारतको नयाँ दिल्लीमा एक गर्भवती महिला कोरोनालाई खेलाँची नठान्नू भन्दै भिडियो रेकर्ड गरेको केही समयपछि बितेकी छन् । 

कोभिड–१९ बल्झिएपछि अप्रिल २६ मा उनको मृत्यु भएको हो । 

नयाँ दिल्लीमा बस्ने दन्तचिकित्सक डिम्पल अरोरा चावलालाई अप्रिल महिनामा कोरोना लागेको थियो । 

बिरामी भएको ६ दिनपछि उनमा रोगको लक्षण बल्झिँदै गयो । त्यसपछि उनले मोबाइल फोनमा भिडियो रेकर्ड गर्दै परिवार र साथीभाइलाई कोरोनाबाट सचेत रहन आग्रह गरिन् । 

‘तपाईं र तपाईंका प्रियजनको सुरक्षाका लागि कृपया मास्क लगाउनुस्,’ यसो भनेर उनले खोकेको सुनिन्छ । 
 

डिम्पलका पति रवीश चावलाले पत्नी र नजन्मेको सन्तानको मृत्यु भएको जानकारी ट्विटरमार्फत दिए ।
 

I lost my pregnant wife and our unborn child to covid

She breathed her last on 26/4/21 and our unborn child a day earlier. She got covid positive on 11/4 and even during her suffering she had made the above video on 17/4 warning others not to take this covid lightly. #CovidIndia pic.twitter.com/Syg6yddMTD

— Ravish Chawla (@ravish_chawla) May 9, 2021