प्रतिनिधि सभा विघटन बदर र शेरबहादुर देउवालाई प्रधानमन्त्री नियुक्त गर्न माग गर्दै दायर रिटमा रिट निवेदक पक्षको बहस अन्तिम चरणमा पुगेको छ ।

आइतवार चियाब्रेकपछि शुरू भएको बहसमा प्रधानन्यायाधीश चोलेन्द्र शमशेर जबराले रिट निवेदक पक्षसँग अब ४० मिनेट मात्र बाँकी रहेको जनाउ दिएका छन् ।

'अब ४० मिनेटमा बहस सक्नुस्,' रिट निवेदक पक्षलाई प्रधानन्यायाधीश जबराले भने ।

बहसका लागि रिट निवेदक पक्षले कुल १५ घण्टाको समय पाएको थियो । त्यसमध्ये १२ घण्टा पहिलो चरणमा र ३ घण्टा जवाफी बहसका लागि छुट्ट्याइएको छ ।

अब भोलिबाट सरकारी पक्षका वकिलले बहस शुरू गर्नेछन् । विपक्षीको बहस सकिएपछि रिट निवेदक पक्षले ३ घण्टा जवाफी बहस गर्न पाउनेछ ।