सम्पर्कविहीन जनता समाजवादी पार्टी लुम्बिनी प्रदेश सदस्य पुर्मति ढेंगा पार्टीको सम्पर्कमा आएकी छन् ।

कपिलवस्तुबाट आइतवार बिहानदेखि सम्पर्कविहीन  जसपा यादव पक्षका प्रमुख सचेतक ढेंगा रूपन्देहीस्थित निवासमा रहेको  जसपा लुम्बिनी अध्यक्ष अशोक यादवले बताए ।

‘हामीसँग फोनमा कुराकानी भयो, पार्टीको सम्पर्कमा आउनुभएको छ,’ उनले भने । 

उनले रूपन्देही मणिग्राम मौवारीस्थित घरमा रहेको बताए ।

उनले पार्टीको सम्पर्कमा आए पनि कहाँ र किन सम्पर्कविहीन भएको भन्नेबारे विस्तृत विवरण नखुलेको बताए । 

जसपाले सांसद ढेंगा आइतवार बिहान ११ बजेदेखि बेपत्ता भएको भन्दै इलाका प्रहरी कार्यालय, बुटवलमा उजुरी दिएको थियो ।

ढेंगा कपिलवस्तुस्थित एक होटलमा केही सांसदहरूसँग  बैठक बसिरहेका बेला हिँडेकी थिइन् । त्यसपछि उनी एकाएक सम्पर्कविहीन भएपछि खोजतलास शुरू भएको थियो। 

सांसद ढेंगाले आइतवारदेखि फोन नउठाउने र परिवारको समेत सम्पर्क आएकी थिइनन् ।