केही दिनअघि एमाले छाडेका वामदेव गौतमले अबको आवश्यकता प्रत्यक्ष निर्वाचित राष्ट्रपति भएको बताएका छन् । गोरखापत्र दैनिकमा एक लेख लेख्दै गौतमले प्रत्यक्ष निर्वाचित राष्ट्रपतिको आवश्यकता औंल्याएका हुन् ।
उनले भनेका छन्,  'राजनीतिक स्थिरता कायम गर्ने र  छिटो  देशको  विकास गर्न चाहने  हो भने अविलम्ब प्रत्यक्ष निर्वाचित राष्ट्रपतीय प्रणालीमा जानुपर्छ । अब प्रत्यक्ष निर्वाचित राष्ट्रपतीय प्रणाली मात्र विकल्पमा देखिएको  छ    । यो     प्रणाली अवलम्बन गरियो भने नेपालको इतिहासमा शासन प्रणालीका सम्बन्धमा अर्को नयाँ युगको  सुरुवात हुने छ ।’

उनले केन्द्रमा  प्रत्यक्ष  निर्वाचित  राष्ट्रपति  प्रणाली  रहे जस्तै  प्रदेशमा   पनि प्रत्यक्ष   निर्वाचित   मुख्यमन्त्रीय प्रणालीको प्रस्ताव गरेका छन् । पालिकामा  पहिले देखि  नै  प्रत्यक्ष निर्वाचित प्रमुख र  उपप्रमुख रहने    रहिसकेको पनि उनको भनाइ छ ।