मानवताको नाममा पाखण्ड गरिरहेको छ अमेरिका : किम जोङ उन

अफगानिस्तानमा तालिबानको गतिविधि रोक्न अमेरिकाले मानवताको दुहाइ दिएपछि उत्तर कोरियाका सर्वोच्च नेता किम जोङ उनले त्यो पाखण्ड भएको बताएका छन् । 

उत्तरको परराष्ट्र मन्त्रालयले अफगानिस्तानमा हजारौं मानिसको जीवन खतरामा पारेको भन्दै अमेरिका, अस्ट्रेलिया र बेलायत जस्ता देशहरू मुख्य अपराधी भएको आरोप लगाएको छ ।

बयान जारी गरेर उसले भनेको छ, ‘अमेरिका तथा पश्चिमी मुलुकहरूले मानवअधिकारको संरक्षणको वकालत गर्छन् अनि आफैं मानवअधिकारको हनन गर्छन् ।’

अफगानिस्तानको समस्याका लागि अमेरिका पूर्ण जिम्मेवार रहेको पनि उत्तरको परराष्ट्र मन्त्रालयले जनाएको छ । 

बयानमा भनिएको छ, ‘अमेरिका निर्दयताका साथ अरूको बाँच्न पाउने अधिकारलाई कुल्चिरहेको छ । उसले मानवअधिकारको कुरा गर्नु पाखण्डसिवाय केही हैन ।’