इलेक्ट्रोनिक्स ब्राण्ड गोदरेजले नजिकिरहेको  नेपालीहरूको महान चाड दशैं र तिहारलाई लक्षित गर्दै ‘नाउ इज वाउ फेस्टिवल्, कम खर्च धेरै बचत’ नामक योजना सार्वजनिक गरेको छ ।

उक्त योजना अन्तर्गत गोदरेज ब्राण्डका कुनै पनि सामानको खरिदमा आकर्षक क्यासब्याक तथा बम्पर उपहार जित्ने अवसर भएको कम्पनीले जनाएको छ ।

सामानमा ३१% सम्मको क्यासब्याक प्राप्त गर्न सकिने साथसाथै बम्पर उपहार अन्तर्गत ३ जना भाग्यशाली ग्राहकहरुले ५५ इन्चको टिसिएल कर्भ स्मार्ट एलइडी टि.भी समेत जित्न सकिने व्यवस्था  गरिएको छ ।

उक्त योजना अन्तर्गत गोदरेजका विभिन्न सामानहरू जसमा रेफ्रिजिरेटर खरिदमा २८ हजार ९ सय  रुपैयाँसम्मको, वाशिङ मेसिनको खरिदमा १५ हजार ३ सय रुपैयाँसम्मको, माइक्रोवेभ ओभन खरिदमा ७ हजार ५ सय रुपैयाँसम्मको, एअर कुलरको खरिदमा ५ हजार २ सय रुपैयाँसम्मको क्यास ब्याक र एसीमा ४ हजार रुपैयाँ बराबरको निशुल्क एसि जडान प्राप्त गर्न सकिने गोदरेजले जनाएको छ ।

कम्पनीले आफ्नो विभिन्न सामानहरुमा विभिन्न किसिमका वारेण्टीहरुका साथै निशुल्क होम डेलीभरी पनि प्रदान गर्ने जनाएको छ । 

गोदरेजका सामानहरु खरिद गरे पश्चात ग्राहकहरुले आफुलाई बम्पर उपहारमा सहभागी गराउन जिओडिएफओ टाइप गरी आफ्नो नाम, ठेगाना र खरिद गरिएको सामानको विल नं लेखी ३१००१ मा एस्.एम.एस् गर्नुपर्नेछ । 

कम्पनीले यो योजना भाद्र ३०, २०७८ देखि सिमित अवधिका लागि लागू गरिएको जनाएको छ ।

गोदरेज ब्राण्डको आधिकारिक बिक्रेता चौधरी ग्रुप अन्तर्गत सिजी इलेक्ट्रोनिक्स हो ।