कांग्रेसको १४ औं महाधिवेशनमा महामन्त्री पदमा उम्मेदवारी दिने घोषणा गरेका विश्वप्रकाश शर्माले अवधारणा पत्र सार्वजनिक गरेका छन् । 

शर्माले संविधान दिवसको अवसरमा झापाको विर्तामोडमा एक कार्यक्रम आयोजना गरेर अवधारणापत्र सार्वजनिक गरेका हुन् । 

छलफलका लागि भन्दै सार्वजनिक गरिएको ‘हिजो राजनैतिक परिवर्तन, अब राजनीतिमा परिवर्तन’ शीर्षकको अवधारणापत्रमा उनले २४ बुँदा प्रस्तुत गरेका छन् ।

अवधारणा पत्रमा शर्माले वान टु थ्री फोर मोडेलको प्रस्ताव गरेका छन् । एक नेताले पटक राष्ट्रपति, दुई पटक प्रधानमन्त्री, तीन पटक मन्त्री र चार पटक सांसदको शपथ गर्ने गर्दा नेतृत्वमा आगमन र बहिर्गमनको प्रणाली व्यवस्थित हुने उनको तर्क छ । ‘यसलाई व्यवहारमा अनुशरण गर्न सम्भव हुँदा त्यसले नेतृत्वमा आगमन र बहिर्गमनको भिन्न प्रणाली र प्रवृत्ति निर्माण हुनेछ भने परिणाम रचनात्मक हासिल हुनेछ,’ शर्माले उल्लेख गरेका छन् । 

अवधारणा पत्रमा उनले राजनीतिलाई राजनीति भित्रकाले र राजनीति बाहिरकाले बुझ्ने र विश्लेषण गर्ने दृष्टिकोणमा सामञ्जस्यता खोज्न जरूरी रहेको उल्लेख गरेका छन् । 

राजनीतिक व्यवस्था ठीक रहेको र अव्यवस्थाको अन्त्य गर्नुपर्ने उनले उल्लेख गरेका छन् । त्यसै गरी शासकीय प्रणाली होइन शासन संस्कार पद्धतितर्फ बहसलाई मोड्नुपर्ने शर्माले उल्लेख गरेका छन् । 

यस्तो छ अवधारणा पत्रको पूर्णपाठ: