चालू आर्थिक वर्ष २०७८/७९ को पहिलो महिना  साउनमा  धितोपत्र  बजार  पुँजीकरण  ४४१४  अर्ब  रुपियाँ  पुगेको छ । अघिल्लो वर्षको सोही अवधिको तुलनामा यस्तो बजार पुँजीकरण झन्डै  साढे  दुुई  गुणाले  बढेको  हो ।  २०७७  साउन  मसान्तमा  बजार पुँजीकरण १८३७ अर्ब रुपियाँ रहेको थियो ।

२०७८  साउनमा  नेपाल  स्टक  एक्सचेन्ज  लिमिटेडमा  सूचीकृत कम्पनीको सङ्ख्या २२० पुगेको छ । सूचीकृत कम्पनीमध्ये १४४ बैङ्क तथा  वित्तीय  संस्था  र  बीमा  कम्पनी  रहेका  छन्  भने  ४०  जलविद्युत् कम्पनी, १९ उत्पादन तथा प्रशोधन उद्योग, पाँच होटल, चार व्यापारिक संस्था, पाँच लगानी कम्पनी र तीन अन्य समूहका रहेका छन् ।२०७७  साउनमा  सूचीकृत  कम्पनीको  सङ्ख्या  २०८  थियो । सूचीकृत  कम्पनीमध्ये  बैङ्क  तथा  वित्तीय  संस्था  र  बीमा  कम्पनीको धितोपत्र बजार पुँंजीकरणको हिस्सा ६८.२ प्रतिशत रहेको छ । त्यसैगरी जलविद्युत्  कम्पनीको  हिस्सा  ९.८  प्रतिशत,  लगानी  कम्पनीको  ८.४ प्रतिशत, उत्पादन तथा प्रशोधन उद्योगको हिस्सा ३.९ प्रतिशत, होटेलको हिस्सा १.४ प्रतिशत, व्यापारिक संस्थाको हिस्सा ०.५ प्रतिशत तथा अन्य समूहका कम्पनीको हिस्सा ७.८ प्रतिशत रहेको छ ।नेप्सेमा  २०७८  साउनसम्ममा  सूचीकृत  पाँच  अर्ब  ८५  करोड सेयरको  चुक्ता  मूल्य  ५७५  अर्ब  ५०  करोड  रुपियाँ  रहेको  छ, गोरखापत्रमा खबर छ।