उत्तर कोरियाले मंगलवार बिहान ब्यालिस्टिक क्षेप्यास्त्र परीक्षण गरेको छ ।

दक्षिण कोरिया र जापानका निगरानी केन्द्रहरूले यो मिसाइल सीधै समुद्रमा खसेको बताए । 

संयुक्त राष्ट्रसंघमा प्योङयाङका प्रतिनिधिले आफ्नो देशलाई हतियार परीक्षणको पूर्ण स्वतन्त्रता रहेको भनी बताएको केही घन्टापछि उत्तर कोरियाले क्षेप्यास्त्र प्रक्षेपण गरेको हो । 

राष्ट्रसंघले उत्तर कोरियालाई ब्यालिस्टिक क्षेप्यास्त्र परीक्षणमा रोक लगाएको छ । 

दक्षिण कोरियाली अधिकारीहरूका अनुसार, उत्तरले जागाङ प्रान्तबाट बिहान ६ः४० क्षेप्यास्त्र प्रक्षेपण गरेको थियो । त्यो पूर्वी सागरमा खसेको थियो । 

जापानका प्रधानमन्त्री योशिहिले सुगाले उत्तर कोरियामाथि निगरानीका लागि सतर्कता बढाइएको बताए । 

उत्तरले सेप्टेम्बर महिनामा गरेको यो तेस्रो क्षेप्यास्त्र परीक्षण हो । यसअघि उक्त देशले एक क्रुज क्षेप्यास्त्र र ट्रेनबाट प्रक्षेपण गर्न सकिने दुईवटा ब्यालिस्टिक क्षेप्यास्त्रको पनि परीक्षण गरेको थियो ।