नेपाली सेनाले लेवनानमा गर्‍यो २ सय विद्यार्थीलाई स्टेशनरी सामान वितरण

लेवनानमा तैनाथ रहेको श्री बर्दबहादुर गणले ६२ औ डफ्फाले दक्षिण लेवनानमा रहेका नेताहरुलाई स्वास्थ्य, शिक्षा, वातावरण र आर्थिक क्षेत्रमा सहयोग पुर्‍याउनको लागि ७६ औ संयुक्त राष्ट्रसंघ दिवस मनाएको छ ।
 
उक्त मिसनमा सम्मिलित मेडिकल टोलीले स्थानीय हउला र माज्दल स्लिम नगरपालिकामा रहेका सरकारी विद्यालयहरुमा दन्त स्वास्थ्य र मुखको हेरचाह सम्बन्धी सचेतना कक्षा संचालन गरी दाँतको सफाई गर्ने प्रयोगात्मक विधिद्वारा प्रदर्शनी गरिएको छ ।

 विद्यालयमा अध्ययनरत करीब २०० जना विद्यार्थीहरुलाई नेपाली शान्ति सैनिक युनिटको तर्फबाट स्टेशनरी सामानहरु र डेण्टल हाईजिन किट समेत वितरण गरेको नेपाली सेनाले जनाएको छ।

 “हरियाली लेवनान” अभियान अन्तर्गत स्थानीय तलुसा नगरपालिकामा जैतुन र सल्लाका बिरुवाहरु वृक्षारोपण गरी ब्ल्यू ग्रनि अभियानलाई मूर्तरुप दिनुका साथै साक्र र माज्दल स्लिम नगरपालिकाहरुमा वृहत वृक्षारोपण गरी साक्रा नगरपालिका प्रमुखको अनुरोधमा स्थानीय हाटबजार लाग्ने करिब ४०० मिटर लामो सडकखण्डमा रङ्गरोगन गरी छुट्टाछुट्टै करिडोर समेत स्थापना गरेको नेपाली सेनाको जनसम्पर्क निर्देशनालय जङ्गी अड्डाले जनाएको छ ।