भूमि व्यवस्था, सहकारी तथा गरिबी निवारण मन्त्री शशी श्रेष्ठले न्यायालयमा पुनर्संरचना नभएकोले अहिलेको समस्या आएको बताएकी छन् । 

आइतवार विराटनगरमा पत्रकारहरूसँग कुरा गर्दै उनले राज्य सत्तालाई अड्याउने सेना, प्रहरी, न्यायालयमा पनि पुनर्संरचना नभएका कारण यसैको परिणाम भोग्नु परेको बताएकी हुन् । 

देशमा धेरै परिवर्तन भए पनि राज्यका विभिन्न अंगमा परिवर्तन गर्न नसक्दा यस्तो समस्या पछिसम्म भोगिरहनु पर्ने उनको भनाइ छ । 

‘प्रशासनमा अहिले पनि केन्द्रीकृत धङधङी छ,’ उनले भनिन् ‘राजनीतिक दलहरूमा केन्द्रीकृत मानसिकता आएकाले जस्तासुकै संरचना बनाए पनि सबैको पहुँच सबै क्षेत्रमा पुग्दैन ।’

यस्तै उनले भूमिहीन सुकुम्वासीले चाँडै धनीपूर्जा पाउने बताएकी छन् ।