नेकपा एमाले मोरङले आयोजना गरेको शुभकामना आदानप्रदान तथा चियापान कार्यक्रममा नेकपा एकीकृत समाजवादी नजाने भएको छ । 

पत्र पठाए पनि चियापान कार्यक्रममा सहभागी हुन नसक्ने नेकपा एस मोरङका प्रवक्ता ओसिम आलमले बताए ।

'हामी ठेगाना पनि नभएको अवैध गर्भबाट जन्मेको पाटीलाई कसरी बोलाउनुभयो, अचम्म मानिरहेका छौँ,' उनले भने ।

नेकपा एकीकृत समाजवादीले विराटनगरमा गरेको चियापान कार्यक्रममा एमाले पनि गएको थिएन ।

केहिदिन अघि मात्रै एमालेका सचिव योगेश भट्टराइले नेकपा एस अवैध गर्भाधानबाट जन्मेको पार्टीको संज्ञा दिएका थिए ।  

नेकपा एसका केन्द्रिय स्तरका नेतालाई भने एमाले मोरङले म्यासेज पठाएको छ । सहभागी भइदिन हुन भन्दै जिल्ला अध्यक्षको नम्बरबाट म्यासेज आएको उप सचिव महेश रेग्मीले भने,'कार्ड नै पठाएको भए सहभागी हुने थिए ।'

७ हजारभन्दा बढि कार्यकर्तालाई सहभागी गराएर चियापान गर्ने एमाले मोरङले जनाएको छ ।

शुभकामना आदान प्रदान कार्यक्रममा नेकपा एमाले अध्यक्ष अ‍ोलीले सम्बोधन गर्ने एमाले मोरङका अध्यक्ष ऋषिकेश पोखरेलले बताए ।

पार्टीका विभिन्न कमिटि, जनप्रतिनिधि, जनवर्गीय संगठनका पदाधिकारीहरूलाई अनिवार्य उपस्थित हुन एमाले मोरङले ह्वीप जारी गरेको छ ।