सडक निर्माणमा ढिलाइ गरेको भन्दै ललितपुरको सातदोबाटो–गोदावरी सडक खण्डको हरिसिद्धि क्षेत्रमा सडक अवरुद्ध पारिएको छ । 

स्थानीय नागरिकहरूले बाटो कालोपत्रे गर्नुपर्ने मागसहित बाटो बन्द गरेका हुन् । उनीहरूले बाटाे कालोपत्रे नभएसम्म अनिश्चितकालका लागि बन्द गरिएको जनाएका छन् ।

बाटो बन्द हुँदा त्यो बाटो भएर हिँड्ने सवारीसाधनहरू समस्यामा परेका छन् । 

सडक समयमै निर्माण नहुँदा मूल सडकमा धूलो उड्ने गरेको छ, जसकारण मानिसहरूले सास्ती भोग्नु परिरहेको छ ।