नेकपा एमालेका नेता घनश्याम भुसालले उपाध्यक्ष पदमा उम्मेदवारी दर्ता गराएका छन् ।

एमालेको केन्द्रीय निर्वाचन आयोगले उम्मेदवारी दर्ता समय तोकेपछि भुसालले उपाध्यक्षमा उम्मेदवारी दिएका हुन् ।

भुसालले यसअघि नै उपाध्यक्षमा उम्मेदवारी घोषणा गरेका थिए । तर अध्यक्ष केपी शर्मा ओलीले प्रस्ताव गरेका पदाधिकारीका भुसाललाई समावेश गरिएको छैन ।

निर्वाचन हुनुपर्नेमा जोड दिँदै आएका भुसालसँगै अध्यक्षमा भीम रावलले समेत उम्मेदवारी दिएका छन् । एमालेका निवर्तमान सचिव भीम आचार्यले पनि सचिव पदमै उम्मेदवारी दिएका छन् ।