नेपाली कांग्रेसको १४ औं राष्ट्रिय महाधिवेशनअन्तर्गत महामन्त्री पदमा गगन थापाको जित लगभग पक्का भएपछि उनका समर्थकहरूले खुशी मनाएका छन् । 

‘कांग्रेसभित्र क्रान्ति, दुईतिहाइको महामन्त्री’, ‘गगन दाइ, हाइ हाइ’ भन्दै युवाहरूले नाराबाजी गरेका छन् । 

महामन्त्रीमा गगन थापा जस्तो युवा आउनु कांग्रेस पार्टीभित्र क्रान्तिको संकेत भएको युवाहरूले बताएका छन् ।

३८९० मत गनिसक्दासम्म गगनले २५१२ मत ल्याएका छन् । त्यस्तै विश्वप्रकाश शर्मा १५९७ ल्याएका छन् । 

गगन शेखर कोइराला प्यानलबाट महामन्त्रीको उम्मेदवार बनेका हुन् । कांग्रेस मुख्यालय सानेपामा ३ स्थानमा मतगणना भइरहेको छ ।

सभापति र उपसभापति पदको मतगणना भने यसअघि नै सकिएको छ ।

सभापतिमा शेरबहादुर देउवा विजयी भएका छन् भने उपसभापतिमा पूर्णबहादुर खड्का र धनराज गुरुङले जीत हात पारेका छन् ।