तपाईंले सुजी, बेसन र गाजरको हलुवा त प्रशस्त खानुभएको होला । मटरको हलुवा खानुभएको छ त ? हामी सिकाउँछौं रेसिपी ।

सामग्री

हरियो मटर एक कप

खुवा दुई ठूलो चम्चा

चिनी आधा कप

काजु बदाम एक सानो कचौरामा (काटेर)

अलैंचीको धूलो आधा चम्चा

घ्यू चार ठूलो चम्चा

विधि

पहिला मटरलाई हलुका उमालेर त्यसको मोटो पेस्ट बनाउनुस् । 

प्यानमा घ्यू तताएर काजु र बदाम हलुका भुट्नुस् र छुट्र्ट कतै राख्नुस् ।

अब प्यानमा मटरको पेस्ट राखेर पकाउनुस् ।

मटरको रंग परिवर्तन भएपछि चिनी हाल्नुस् ।

चिनी घोलिएपछि त्यसमा खुवा र अलैंचीको धूलो राखेर राम्ररी मिसाउनुस् । 

त्यो मिश्रण मज्जाले घोलिएपछि काजु बदाम राखेर लगभग तीन मिनेटसम्म चलाउँदै पकाउनुस् । 

मटर हलुवा तयार भयो । 

त्यसलाई थालमा पस्केर माथिबाट काटेको बदामले सजाउनुस् ।