एमसीसीबारे भीम रावल र डम्बर खतिवडाबीच ट्विटरमा जुहारी

एमाले नेता भीम रावल र जसपा नेता एवं लेखक डम्बर खतिवडाबीच एमसीसीको विषयमा ट्विटरमा जुहारी चलेको छ ।

केपी शर्मा ओली नेतृत्वको तत्कालीन सरकारले एमसीसीका सम्बन्धमा निर्णय लिँदाको मन्त्रिपरिषद् बैठकमा हुनुहुन्थ्यो कि हुनुहुन्नथ्यो भनेर खतिवडाले ट्विटरमार्फत प्रश्न गरेपछि जुहारी चलेको हो ।

खतिवडाको प्रश्नको जवाफमा रावलले लेखेका छन्–

डम्बरजी, तपाईंले भन्नुभएका मन्त्रिपरिषद्का बैठकमा मेरो उपस्थिति थिएँ कि थिएन, कम्प्याक्टबारे के कुरा वा निर्णय भएको थियो भनेर फोनमा सोध्नुभएको भए भनिहाल्थें। ट्वीटमा सोध्नु भएछ । म रहेको मन्त्रिपरिषद्को बैठकमा कम्प्याक्टबारे कुरा भएको थिएन । देश हित र स्वाधीनताको पक्षमा जहिले पनि उभिनुपर्छ ।

यसअघि खतिवडाले २०७२ पुस १० र २०७३ असार ३१ को बैठकमा सहभागी हुनुहुन्थ्यो कि हुनुहुन्नथ्यो भनेर खतिवडाले रावललाई ट्विटरमार्फत प्रश्न गरेका थिए ।

कमरेड भीम रावल !
२०७२ पाैष १० गते र २०७३ आषाढ ३१ गतेकाे मन्त्री परिषद बैठकमा तपाईं हुनुहुन्थ्यो वा हुनुहुन्नथ्याे ? ती दिन एमसीसी नेपाल कम्प्याक्टबारे के निर्णय गरेकाे छ ? फेरि एकपटक हेर्नुस। तपाईं पनि मन्त्री रहेकाे ती दिनकाे निर्णयप्रति तपाईकाे कुनै नैतिक दायित्व छ वा छैन?

— dambar khatiwoda (@dambarkhatiwoda) December 27, 2021

फेरि खतिवडाले लेखेका छन्–

प्रम केपी ओलीकाे २०७३ आषाढ ३१ गतेकाे मन्त्री परिषद बैठकले एमसीसीएलाई नेपाल तर्फकाे १अर्ब ३०कराेड निकासा दिने निर्णय गरेकाे थियाे,जुन सरकारकाे उपप्रधानमन्त्री तथा रक्षामन्त्री कमरेड भीम रावल थिए।सस्ताे लाेकप्रियताका लागि झुठ र पाखण्डकाे राजनीति अनैतिकता र बेइमानी बाहेक केही हैन।

— dambar khatiwoda (@dambarkhatiwoda) December 28, 2021