प्रधानमन्त्री शेरबहादुर देउवाको कोभिड–१९ परीक्षणका लागि स्वाब संकलन गरिएको छ ।

शुक्रराज ट्रपिकल तथा सरुवा रोग अस्पतालका स्वास्थ्यकर्मी प्रधानमन्त्री निवास बालुवाटार गएर देउवाको स्वाब संकलन गरिएको उनको सचिवालयले जानकारी दिएको छ । 

माओवादी केन्द्रका अध्यक्ष पुष्पकमल दाहाल ‘प्रचण्ड’लाई कोरोना संक्रमण भएपछि प्रधानमन्त्री देउवा आइसोलेसनमा बसेका थिए ।

गत शुक्रवार सत्तारूढ गठबन्धनको बैठक बस्दा देउवा र प्रचण्डको बीचमा भेट भएको थियो । प्रचण्डलाई कोरोना संक्रमण भएपछि देउवा कन्ट्याक्ट ट्रेसिङमा परेका थिए । 

प्रचण्ड कोरोना संक्रमित भएपछि एक दर्जनभन्दा बढी नेताहरू आइसोलेसनमा बसेका छन् ।