प्रदेश १ का मुख्यमन्त्री राजेन्द्र राईले मन्त्रीहरू नियुक्त गरेका छन् । 

आर्थिक मामिला तथा योजनामन्त्री ईन्द्रबहादुर आङबो, सडक, पूर्वाधार तथा शहरी विकास मन्त्री हिमाल कार्की, आन्तरिक मामिला तथा कानून मन्त्री केदार कार्की, स्वास्थ्य मन्त्ती जयराम यादव, खानेपानी, सिँचाइ तथा ऊर्जामन्त्री रामकुमार राई, सामाजिक विकास मन्त्री राजन राई नियुक्त भएका छन् । 

त्यस्तै पर्यटन तथा संस्कृति मन्त्री खिनु लङवा (लिम्बू), कृषि मन्त्री झलकबहादुर मगर, वन, वातावरण तथा भू संरक्षण मन्त्री शेखरचन्द्र थापा, उद्योग श्रम तथा रोजगार मन्त्री ओमप्रकाश सरावागी, भूमि व्यवस्था, सहकारी तथा गरिबी निवारण मन्त्ती प्रतापप्रकाश हाङगाम, यातायात व्यवस्था तथा सञ्चार मन्त्री उपेन्द्रप्रसाद घिमिरे र सामाजिक विकास राज्यमन्त्री विष्णु तुम्बाहाम्फेलाई नियुक्त गरिएको हो ।  

मन्त्रीहरूको शपथ केहीबेरमा गर्ने तयारी भइरहेको बताइएको छ । 

गत आइतवार बसेको मन्त्रिपरिषद् बैठकले मन्त्रालयको संख्या बढाएर १२ बनाउने निर्णय गरेको थियो ।