नेकपा एमालेका नेता भीम रावलले एमसीसीले नेपालको कूटनीति कमजोर बनाएको बताएका छन् । 

सोमवार भएको अन्तर्राष्ट्रिय सम्बन्ध समिति बैठकमा  रावलले पछिल्लो समय एमसीसीको कारण नेपालको कूटनीतिक क्षेत्र अत्यन्तै कमजोर भएको बताएका हुन् । 

‘एमसीसीका विषयमा प्रधानमन्त्री शेरबहादुर देउवा र माओवादी अध्यक्ष पुष्पकमल दाहाल प्रचण्डले गरेको संयुक्त हस्ताक्षर बाहिर आएको छ, यो हस्ताक्षरले हाम्रो कूटनीति कमजोर बनायो,’ उनले भने, ‘यस्तो हस्ताक्षर गरेर पठाउँदा अरू देशमा नेता दण्डित हुनुपर्छ तर हाम्रोमा लाजमर्दो र गैरजिम्मेवार हुँदा पनि केही हुनु नपर्ने रु कूटनीती कमजोर बनाएकै अहिले एमसीसीले हो ।’

उनले यो विषयमा छानबिन गरेर कारबाही हुनुपर्ने उनको भनाइ छ । आफ्नो देशका जनताको कुरा नसुन्ने अनि अर्काको कुरा मात्रै सुन्ने काम लाजमर्दो र गैरजिम्मेवार भएको उनले बताए । 

‘यो त हाम्रा नेताले कूटनीति नबुझेको हो,  यो त फूटनीति मात्रै बुझेको हो ?,’ उनले भने, ‘यस्तो नेता भएको देशका नागरिकले कस्तो कूटनीति बुझ्छन् । यसमा सरकारको ध्यानाकर्षण गर्नुपर्छ । कूटनीतिक मर्यादा के हो बुझ्नुपर्छ ।’