कमल थापाले राष्ट्रिय प्रजातन्त्र पार्टी (राप्रपा) परित्याग गरेसँगै उनीपक्षीय नेताहरूले पनि पार्टी परित्याग गर्ने क्रम शुरू भएको छ । सामाजिक सञ्जालमार्फत् उनीहरूले पार्टी छाडेको घोषणा गरेका छन् । 

राप्रपामा बस्दाको पल सदैब अबिष्मरणिय रहनेछ। आजै देखि राप्रपासङ्गको संलग्नता लाइ अन्त्य गर्दछु । सबैलाई शुभकामना सहित धन्यवाद ब्यक्त गर्दछु। सबै काे जय होस!!! pic.twitter.com/YabkTEGGk7

---

Advertisment

— Chandra Gurung (@chandragrg52) February 9, 2022

चन्द्र गुरुङ, उद्धव पौडेल,  विश्वराज पौडेल, कैलाश कट्वाल, श्रीधर सुवेदीलगायतका केन्द्रीय तथा स्थानीय नेताहरूले फेसबुक, ट्वीटरमार्फत् पार्टी त्यागेको घोषणा गरेका हुन् । 

‘राप्रपालाई एकताबद्ध बनाउने मेरो भगिरथ प्रयास असफल भएको छ । असफल विद्यार्थीको रुपमा अत्यन्तै दुखी र भावुक छु,’ नेता उद्धव पौडेलले लेखेका छन्, ‘राप्रपामा बस्दाको पल सदैव अविष्मरणीय रहेछ । आजै देखि राप्रपासँगको संलग्नता अन्त्य गरेको छु ।’

कमल थापाले नयाँ पार्टी बनाउने तयारी गरेका छन् । बुधवार पार्टीको नामका विषयमा छलफल भएको थियो ।