सूचना आयोगको प्रतिवेदन पेश भएर २२ गतेसम्मका लागि स्थगित भयो प्रतिनिधि सभा बैठक

सरकारले राष्ट्रिय सूचना आयोगको प्रतिवेदन २०७७/७८ संसदमा पेश गरेको छ ।

बुधवार बसेको प्रतिनिधि सभा बैठकमा प्रधानमन्त्री शेरबहादुर देउवाको तर्फबाट कानूनमन्त्री दीलेन्द्र बडूले आयोगको प्रतिवेदन सदन समक्ष पेश गरेका हुन् ।

प्रमुख प्रतिपक्षी दल नेकपा एमालेको नाराबाजीका बीच आयोगको प्रतिवेदन पेश गरिएको हो ।

प्रतिनिधि सभाको बैठक फागुन २२ गतेसम्मको लागि स्थगित भएको छ ।

माधव नेपाल लगायत १४ सांसदलाई पदमुक्त गर्न माग गर्दै एमालेले भदौ २३ गतेदेखि प्रतिनिधि सभा अवरुद्ध गर्दै आएको छ ।

एमालेको अवरोधका बाबजुद फागुन १५ गते प्रतिनिधि सभाबाट अमेरिकी आर्थिक सहयोग कार्यक्रम एमसीसी अनुमोदन भएको थियो ।