नेपाली कांग्रेसका उपसभापति धनराज गुरुङले नेपाल इञ्जिनियर एशोसिएशनको निर्वाचनमा पार्टीका आधिकारिक उम्मेदवारविरुद्ध जानेलाई पार्टीले कारवाही गर्ने बताएका छन् । 

नेपाल इञ्जिनियर एशोसिएशन ३३औँ कार्यकारिणी समितिको निर्वाचनको पूर्वसन्ध्यामा नेपाली कांग्रेसको शुभेच्छुक संस्था सेन्टर फर डेमोक्रेटिक इञ्जिनियर (सिडेन)ले मंगलवार राति आयोजना गरेको कार्यक्रममा उनले लोकतन्त्रका नाममा गल्ती गर्ने छुट कसैलाई नभएको बताएका हुन् । 

उपसभापति गुरुङले पार्टीको झण्डा बोकेर बागी उम्मेदवारी दिनेलाई पार्टीले कारबाही गर्ने बताए ।