केपी ओलीलाई विश्वप्रकाशको जवाफ- विभाजित कम्युनिस्ट पार्टी हरियो रंगदेखि तर्सिन्छ

नेपाली कांग्रेसका महामन्त्री विश्वप्रकाश शर्माले हरियो रंगदेखि नतर्सिन एमाले अध्यक्ष केपी शर्मा ओलीलाई आग्रह गरेका छन् ।

बुधवार पार्टी कार्यालय सानेपामा आयोजित पत्रकार सम्मेलनमा सोधिएको एक प्रश्नको जवाफमा प्रवक्ता शर्माले हरियो रंगदेखि कोही आत्तिनु नपर्ने बताएका हुन् । 

‘साउनमा के भएको गोरुले सधैँ हरियो देख्छ भनेजस्तै, विभाजित भएको कम्युनिस्ट पार्टी हरियो रंगदेखि तर्सिन्छ भन्ने गर्न थालिएको रहेछ । हरियो रंगसँग कसैले तर्सिनु पर्दैन,’ शर्माले भने । 

आसन्न स्थानीय तहको चुनावमा हरियो रंगको मतपत्र प्रयोग गर्ने निर्वाचन आयोगको निर्णयप्रति एमाले अध्यक्ष केपी शर्मा ओलीले विरोध जनाएका थिए ।