विप्लव नेतृत्वको नेकपाको बैठक कपिलवस्तुमा शुरू

नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीको १२ औं पूर्ण बैठक शुक्रवार कपिलवस्तुमा शुरू भएको छ । 

बैठक केन्द्रीय सम्पर्क कार्यालय कपिलवस्तुको शिवगढीमा शुरू भएको हो । 

बैठकले संगठन सुदृढीकरण, एमसीसीलगायत समसामयिक राजनीतिक विषय, स्थानीय निर्वाचनमा सहभागिता जनाउने वा नजनाउनेलगायत एजेन्डामा छलफल गर्ने प्रवक्ता प्रकाण्डले जानकारी दिए । 

निर्वाचनमा भाग लिने वा नलिने भन्नेमा पार्टीभित्र मतभिन्नता छ ।