प्रथम बागमती प्रदेश खेलकुदअन्तर्गत तेक्वान्दोको प्रतिस्पर्धा शनिवारदेखि हेटौडामा शुरू भएको छ ।

पहिलो दिन पुरुष ५४ केजीमुनि काभ्रेका रोशन केसी र दोलखाका रोशन खत्री फाइनलमा प्रवेश गरे । महिला ५५ केजीमुनि सिन्धुपाल्चोककी अन्जली तामाङ र काठमाडौंकी रन्जिला रोकाले स्वर्ण भिडन्त पक्का गरे ।

प्रतियोगितामा बाग्मती प्रदेशका विभिन्न १२ जिल्लाका १७० खेलाडी सहभागी छन् । ग्योरोगी र पुम्सेमा गरी जम्मा २६ स्पर्धामा प्रतिस्पर्धा भइरहेको छ । तेक्वान्दो प्रतिस्पर्धा सोमवार सम्पन्न हुनेछ ।