२०२९ सालदेखि स्वतन्त्र उठेर लगातार चुनाव जित्दै आएका नरसिंह व्यञ्जनकारले पुन: वडाध्यक्षमा उम्मेदवारी दिएका छन् ।

८१ वर्षीय व्यञ्जनकारले अहिलेसम्म १० पटक वडाध्यक्षमा चुनाव जितिसकेका छन् । 

ललितपुर महानगरपालिका वडा नम्बर १० का बहालवाला वडाध्यक्ष व्यञ्जनकारले आइतवार पुन: उम्मेदवारी दर्ता गराएका हुन् ।

आफूले राम्रो काम गरेकाले जनताले भोट दिएर लगातार जिताउँदै आएको उनले बताए ।

ललितपुर १० मा उनको लोकप्रियता यस्तो छ कि ठूल्ठूला दलका उम्मेदवारले समेत उनलाई पराजित गर्न सकेका छैनन् ।

यही वैशाख ३० गते हुने स्थानीय तह निर्वाचनका लागि आइतवार र सोमवार उम्मेदवारी मनोनयन दर्ता हुँदैछ ।