बुटवलमा ६०३ मतका साथ खेलराज अगाडि

रुपन्देहीको बुटवल उपमहानगरपालिकामा कांग्रेसले अग्रता कायमै राखेको छ । 

अहिलेसम्म एक हजार ४०० मतगणना भएको छ, जसमध्ये कांग्रेसका उम्मेदवार खेलराज पाण्डेले ६०३ मत प्राप्त गरेका छन् । 

दोस्रोमा राष्ट्रिय प्रजातन्त्र पार्टी (राप्रपा) का मृगेन्द्र शेरचनले ३०२ मत प्राप्त गरेका छन् । 

नेकपा एमालेका उम्मेदवार बाबुराम भट्टराईले २३९ मतसहित तेस्रो स्थानमा छन् । 

त्यस्तै उपप्रमुखमा राप्रपाकी भगवती पाण्डे ३१९ मतका साथ अगाडि छिन् । दोस्रो एमालेकी सावित्रा देवी अर्यालले २९४ र नेकपा एकीकृत समाजवादीका चीनबहादुर गुरुङले २४३ मत प्राप्त गरेका छन् । 

बुटवलमा सत्तारुढ गठबन्धनको तालमेल छ । अहिले बुटवलको वडा नम्बर १ को मतगणना भइरहेको छ ।