धादिङको धुनिबेंशी नगरपालिका वडा नम्बर ४ मा नेकपा (एकीकृत समाजवादी)को प्यानलै विजयी भएका छन् ।

गठबन्धनको तर्फबाट वडा नम्बर ४ मा वडा अध्यक्षका उम्मेदवार भएका एकीकृत समाजवादीका हरिप्रसाद सुवेदीले ८३६ मत ल्याएर जितेका छन् । उनका प्रतिस्पर्धी नेकपा एमालेका वडा अध्यक्ष अर्जुनबहादुर सुवेदीले ६७९ मत पाएका छन् । 

यो वडामा समाजवादीकै केशव मिजार, प्रकाशप्रसाद गजुरेल, महिला सदस्य रिताकुमारी अधिकारी (रेग्मी) र दलित महिला सदस्य सुस्मा विश्वकर्मा विजयी भएकी छन् ।

१ देखि ४ नम्बरको मत परिणाम सार्वजनिक हुँदासम्म नगरप्रमुखमा समाजवादीकै वालकृष्ण आचार्यले अग्रता लिइरहेका छन् । आचार्यले ३८७० मत पाएका छन् । उनका प्रतिपस्पर्धी नेकपा एमालेका राजाराम पाण्डेले २७६४ मत पाए । 

यो नगरपालिकाको उपप्रमुखमा गठबन्धनको तर्फबाट उम्मेदवार भएका नेपाली कांग्रेसका सुरज उप्रेतीले अग्रता लिइरहेका छन् । उप्रेतीले ३३२९ मत ल्याउँदा उनका प्रतिस्पर्धी नेकपा एमालेकी मन्दिरा श्रेष्ठले २८८१ मत ल्याएकी छिन् ।