विकसित पछिल्लो राजनीतिक घटनाक्रमको समीक्षा र संसदमा पार्टीको भूमिकाबारे छलफल गर्न नेकपा एमाले संसदीय दलको बैठक बुधवार बस्दैछ । 

संसद भवन नयाँ बानेश्वरको ल्होत्से हलमा बुधवार दिउँसो ३ बजे बैठक बस्ने संसदीय दलकी सचेतक शान्ता चौधरीले जानकारी दिइन् । 

संसदको अधिवेशन शुरू र अन्त्य भएपछि संसदीय दलको बैठक बस्ने विधानमा व्यवस्था छ । जेठ ३ गते अधिवेशन शुरू भए पनि नेताहरू चुनावमा व्यस्त भएका कारण बैठक बस्न सकेको थिएन । संसदीय दलको बैठक नै नबसी एमालेले संसदमा जारी अवरोध हटाएको थियो । 

बुधवारको बैठकलाई संसदीय दलका नेता एवं अध्यक्ष केपी शर्मा ओलीले सम्बोधन गर्ने तयारी गरेका छन् । ओलीले भोलि सरकारका नीति तथा कार्यक्रममाथि संसदमा धारणा राख्ने तयारी गरेको एमाले स्रोतले बतायो ।