अर्थमन्त्रीलाई एमाले सांसदको प्रश्न- दैलेखमा पेट्रोलियम पदार्थ उत्खननको काम किन रोकियो ?

नेकपा एमालेका सांसद राजबहादुर बुढाले दैलेखमा पेट्रोलियम पदार्थ उत्खननको काम किन रोकियो भनेर सरकारसँग प्रश्न गरेका छन् । 

शुक्रवार प्रतिनिधि सभा बैठकमा अर्थमन्त्री जनार्दन शर्माले बजेट सम्बन्धमा जवाफ दिएपछि पूरक प्रश्न गर्दै सांसद बुढाले पेट्रोलियम पदार्थ उत्खननको कामबारे प्रश्न गरेका हुन् । 

‘नेपाल सरकार र चीनले दैलेखमा पेट्रोलियम पदार्थको उत्खननको काम शुरू भएकोमा अहिले अलपत्र छ । बाँकी काम किन रोकिएको छ, यसलाई अगाडि बढाउन सरकार के सोचिरहेको छ ?,’ सांसद बुढाले प्रश्न गरे ।