प्रमुख प्रतिपक्षी दल नेकपा एमालेका अध्यक्ष एवं पूर्वप्रधानमन्त्री केपी ओलीले वर्तमान सत्ता गठबन्धन देशका लागि अभिसाप भएको आरोप लगाएका छन्। 

प्रतिनिधिसभा बैठकमा सोमवार सम्बोधन गर्दै ओलीले गठबन्धन राजनीतिक र राष्ट्रियताको लागि अभिसाप भएको आरोप लगाएका हुन्। 

गठबन्धन जोगाउन जे पनि जायज हुन्छ ? गठबन्धन देशका लागि अभिसाप हो, राजनीतिक हिसाबले, राष्ट्रियताको हिसाबले, अर्थतन्त्रका हिसाबले,’ ओलीले भने, ‘जनतालाइ पीर मर्का बोकाउने हिसाबले । किसानले मल पाउँदैनन, स्वास्थ बीमा समाप्त पार्दै गरेको छ।’

प्रमुख प्रतिपक्षी दलको नेताले सम्बोधन गरेको समयमा प्रधानमन्त्री शेरबहादुर देउवा संसदमा उपस्थित छन्। ओलीले सवा घण्टादेखि संसदमा सम्बोधन गरिरहेका छन्।