जनता समाजवादी पार्टी (जसपा) नेपालको केन्द्रीय समिति बैठक एक दिन पर सारिएको छ । 

यसअघि असार २८ र २९ गते बस्ने भनिएको बैठक एक दिन पर सारिएको केन्द्रीय कार्यालय प्रमुख प्रकाश अधिकारीले जानकारी दिएका छन् । असार २८ गते मुस्लिम समुदायको चाड बकर इद परेकाले असार २९ र ३० गते बस्ने कार्यतालिका बनाइएको उनले बताए । 

बैठक वीरगन्जस्थित टाउन हलमा हुने उनले बताए । जसपाभित्र आन्तरिक विवाद बढ्दै गइरहेको बेला बोलाइएको यो बैठकलाई महत्वका साथ हेरिएको छ । अध्यक्षहरु उपेन्द्र यादव र डा. बाबुराम भट्टराई पक्षबीच विवाद चर्किदै गइरहेको बेला यादव पक्षले बैठक बोलाएको हो । 

यो बैठकमा डा. भट्टराई पक्ष सहभागी हुने वा नहुने बारेमा केही बताइएको छैन । डा. भट्टराईले बैठक आह्वान गरिएलगत्तै असन्तुष्टि जनाएका थिए ।