कात्तिक २५, २०८०
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
रूपन्देहीको तिलोत्तमाका युवा बाशु भुसालले ‘लेखपढ गरे सरकारी जागिर, नपढे घरकै गोठालो’ भन्ने आमनेपाली लोकोक्तिलाई चुनौती दिएका छन् ।
पढाइले इलेक्ट्रिकल इन्जिनीयर भुसाल छोटो समयमा रूपन्देहीका सफल पशुपालक कृषक कहलिएका छन् । उनका पाइला अहिले अरूले पनि पछ्याउन थालेका छन् ।
रूपन्देहीको तिलोत्तमा नगरपालिका–१० कान्छीबजारमा भुसालको निकै व्यवस्थित पशुपालन फर्म छ । उनको फर्मको नाम कामधेनु क्याटल ब्रिडिङ एण्ड रिसर्च सेन्टर हो । ४ वर्षअघि शुरू गरेको भुसालको फर्ममा १०५ वटा दुधालु गाईभैसी छन् । दूध बिक्रीबाट अहिले भुसालले मासिक १५ लाख रूपैयाँ कमाइ गर्छन्, जसमध्येबाट सबै खर्च कटाएर ७ लाख ५० हजार रूपैयाँ बचत गर्न थालेका छन् ।
अर्घाखाँचीको भूमिकास्थान–१ ढाकावाङमा जन्मिएका भुसालले इलेक्ट्रिक इन्जिनीयर पढे । उनमा इन्जिनीयर बन्ने ठूलो रुचि पनि थियो । अध्ययन सकेर डेढ दशक इलेक्ट्रिक इन्जिनीयर बनेर जागिर जीवन पनि बिताए ।
जब जागिर जीवनभन्दा आफैंले केही उद्यम गर्ने सोचले उनलाई जित्दै जान थाल्यो, अनि १ दिन निचोडमा पुगे – अब अरूको जागिर गर्नुभन्दा आफ्नै नंग्रा खियाउँछु । त्यसपछि उनी सम्भावनाको खोजीका लागि ‘रिसर्च’ गर्न थाले ।
झण्डै ६ महिनाको रिसर्च/अध्ययन गर्दै नेपाल र भारतका विभिन्न व्यावसायिक पशुपालन केन्द्रमा पुगेर गाईभैंसी पालनका विभिन्न सम्भावना खोजे । उनको अध्ययनले नेपालमा पशुपालनको ठूलो सम्भावना देख्यो अनि पूर्णकालीन इलेक्ट्रिकल इन्जिनीयरको जागिरबाट विश्राम लिँदै बाशुले पशुपालक बन्ने सुर कसे ।
‘मेहनतका साथ काम गर्ने हो भने मासिक ५० हजार रूपैयाँ कमाउन सरकारी जागिर र नेपाल छाडेर अर्काको देशमा गएर भौंतारिनु पर्दैन,’ बाशु भन्छन्, ‘दूधका लागि पशुपालन राम्रो विकल्प हो । पशु कर्मले मलाई सफलतातर्फ डोर्याएको छ । इन्जिनीयरको जागिरभन्दा राम्रो आम्दानी गरेको छु ।’ उनी रोजगारीका लागि विदेश जाने युवा देख्दा खिन्न हुन्छन् ।
१० गाईसहित ४० लाख रुपैयाँको लगानीबाट भुसालले शुरू गरेको रिसर्च सेन्टर अहिले अनुसन्धान केन्द्रको रूपमा अगाडि बढेको छ । विक्रम संवत् २०७६ सालबाट सञ्चानलमा आएको रिसर्च सेन्टरमा अहिले १०५ वटा गाईभैंसी छन् । बाशुले व्यावसायिक पशुपालनबाट राम्रो आम्दानी त गरेका छन् नै, धेरैलाई काम गर्ने प्रेरणा समेत दिएका छन् ।
रिसर्च सेन्टर स्थापनाको छोटो समयमै उनले राम्रो आम्दानी लिन थालेका छन् ।
अहिले फार्ममा दैनिक १ हजार १०० लिटर दूध उत्पादन हुँदै आएको छ । उनलाई दूध बिक्रीको कुनै समस्या छैन, बजारको अभाव छैन । ग्राहक/डेरीवालाले फार्ममै आएर सबै दूध संकलन गरी लैजाने गरेका छन् । भैरहवाकै ठूलो पवन मिष्ठान्न भण्डार, बुटवलको पवित्रा डेरी र अन्य स्थानीय डेरीमा दूध खपत हुँदै आएको छ ।
बाशुको फार्ममा रहेका उन्नत जात (होलिस्टिन) एउटा गाईले दैनिक ६५ लिटरसम्म दूध दिँदै आएको छ । फार्ममा मुर्रा जातका भैंसी र होलिस्टिन जातका गाई छन् । फार्ममा ८ जना कामदारलाई प्रत्यक्ष रूपमा रोजगार दिएका छन् बाशुले ।
कामदार सबै भारतीय नागरिक छन् । उनी भन्छन्, ‘नेपालीले यहाँ काम नै गर्न चाहँदैनन् । मेरा कामदार सबै भारतीय हुन् । नेपालीहरू विदेशमा गएर जे काम गर्न पनि तयार हुन्छन्, आफ्नो देशमा गर्न लजाउँछन् ।’ सबेरै र साँझ नछिप्पिँदै कामदारसँगै भुसाललाई गाईभैंसी दुहुन, स्याहार गर्न भ्याइँनभ्याइँ हुन्छ ।
फार्मको ५ विगाहा क्षेत्रफल जग्गामध्ये उनले २ विगाहा फार्म निर्माण गरेका छन् भने ३ बिगाहामा घाँस खेती गरिएको छ । गाईभैंसी पालनसँगै अनिवार्य रूपमा जोडिएको विषय हो घाँस उत्पादन । पशुपालनसँगै उनले घाँस खेती शुरू गरेका छन् ।
पशुपालनले व्यापकता पाएका ठाउँमा घाँस खेतीको क्रान्ति नै भएको छ । गाईपालक किसानले व्यावसायिक घाँस खेती गरिरहेका व्यक्ति वा फार्मबाट घाँस किनेर गाईलाई खुवाउने गर्छन् ।
गाईलाई दाना र साइलेज बढी मात्रामा प्रदान गर्दै आएकोमा भैंसीलाई घाँस खेतीमा आधारित रहेर पालन गर्दै आएका छन् । हालसम्म फार्ममा झण्डै आधा करोड रूपैयाँ लगानी पुगेको छ । बाशुले अझै ९५ गाईभैंसी थपेर २०० पुर्याउने योजना बनाएका छन् ।
थप गाईभैंसी फार्ममा ल्याउँदा पनि खर्च उहीँ नै हुने भएकाले ९५ पशु थप्ने योजना उनले सुनाए । ९५ गाईभैंसी थप हुँदा फार्ममा दैनिक ३ हजार लिटर दूध उत्पादन हुने उनको भनाइ छ । त्यति मात्र होइन, फार्मलाई रिसर्च सेन्टरको रूपमा विकास गर्दै पशुपालन गर्न चाहने कृषकका लागि अध्ययनको थलो बनाउने उनको योजना छ । निकट भविष्यमा गाईको गोबरबाट ग्याँस प्लान्ट समेत सञ्चालन गर्ने तयारी बाशुको छ ।
यससँगै उनले सुपादेउराली ड्रिलिङ एण्ड कन्स्ट्रक्सन प्रालि र राजश्री ड्रिलिङ एण्ड कन्स्ट्रक्सन सप्लायर्स प्रालि समेत सञ्चालन गर्दै आएका छन् । उनी जमिनमुनिको पानी निकाल्ने प्राविधि ‘ड्रिलिङ’को काम समेत गर्छन् । उनी भन्छन्, ‘जे जस्तो काम गरे पनि पशुपालन नै ठीक ! मलाई सबैथोक यहीँ, अमेरिका यहीँ, जापान पनि यहीँ, कोरिया नि यहीँ ।’
भुसालको सरकारप्रति कुनै गुनासो छैन । काम गर्ने शैली फरक मात्र हुँदा पनि व्यावसायिक सफलता प्राप्त गर्न सकिने उनले बताए ।
‘मेहनत, परिश्रम, खटाइ पशुपालनमा धेरै छ । सरकारले किसानलाई केही योजना दिएन भन्नुको खासै अर्थ छैन, बेकार हो । कर्म गरेपछि सफलता आफैं मिल्दै जान्छ । कसैको आशमा बसेर व्यर्थमा टाउको किन दुखाउनु ?’ उनी भन्छन् ।
उनले पशुपालनबाटै आएको मल पनि कृषि बाली उत्पादनका लागि बेच्ने तयारी गरेका छन् । गाईवस्तुको मल कृषि बालीका लागि अत्यन्तै लाभदायक मानिन्छ । यसमा पनि गाईको मल अझ रोजाइमा पर्छ । गाईको मल प्रयोग गर्दा मात्रा घटबढले बालीनालीलाई नोक्सान नगर्ने कृषि क्षेत्रका जानकारहरू बताउँदै आएका भुसालले बताए ।
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
बुधवार काभ्रेको धुलिखेलस्थित काठमाडौं विश्वविद्यालयका १ हजार ८३८ जना विद्यार्थीमाझ सनम ढकाल दृश्यमा आए । एमबीबीएसमा सर्वोत्कृष्ट भएर गोल्ड मेडल ल्याउँदै सनम दीक्षित भएसँगै सबैमाझ परिचित भएका हुन् । काठम...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...