काठमाडौंको चोभार सुख्खा बन्दरगाहबाट पहिलो पटक नेपाली वस्तु निकासी भएको छ ।

मंगलवार बन्दरगाहबाट एक ट्रक ऊन फेल्ट डेनमार्क निकासी गरिएको बन्दरगाह भन्सार कार्यालयका प्रमुख भन्सार प्रशासक धनबहादुर बडुवालले जानकारी दिए ।

२२ चैतमा बन्दरगाह सञ्चालनमा ल्याइएको थियो । तर, यसबाट आयात पनि न्यून मात्रै भइरहेको छ भने निर्यात शून्य थियो ।

भन्सार प्रमुख बडुवालका अनुसार बुधवार पहिलोपटक डेनमार्कका लागि एक कन्टेनर ऊन फेल्ट निकासी हुन लागेको हो ।

बडुवालले निकासी निरन्तरताका लागि उद्यगी तथा व्यवसायीहरूसँग छलफल भएको समेत लोकान्तरलाई बताए । 

व्यवसायीहरूले अबदेखि चोभार सुख्खा बन्दरगाहबाट निकासी गर्ने प्रतिबद्धतासमेत जनाएको उनको भनाइ छ ।