नेपाल प्रहरीले उच्च अदालत पाटनबाट २३ लाख १४ हजार २५० रुपैयाँ जरिवाना ठहर भएका १ जनालाई पक्राउ गरेको छ ।

प्रहरीको केन्द्रीय अनुसन्धान ब्यूरो (सीआईबी)ले उच्च अदालत पाटनले २३ लाख १४ हजार २५० रुपैयाँ नगद र ५ दिन कैद सजाय ठहर गरेका कास्कीको पोखरा महानगरपालिका–१७ घर भई हाल काठमाडौंको बाफल बस्दै आएकी ४२ वर्षीय निशा गुरुङलाई मंगलवार पक्राउ गरेको हो ।

ब्यूरोका प्रवक्ता प्रहरी उपरीक्षक श्यामकुमार महतोले पक्राउ गुरुङले कुमारी बैंक लिमिटेड दरबारमार्ग शाखाको आफ्नो खातामा पर्याप्त मौज्दात रकम नहुँदा–नहुँदै चेक दिएर बैंकिङजन्य कसूर गरेकाले मंगलवार टोखाबाट पक्राउ गरिएको जानकारी दिए ।

अदालतले पक्राउ परेकी निशालाई बैंकिङ कसूर तथा सजाय ऐन २०६४ बमोजिम फैसला गरेको थियोे । पक्राउ परेकी निशालाई मंगलवारै फैसला कार्यान्वयनका लागि जिल्ला अदालत काठमाडौंमा पेश गरिएको प्रवक्ता महतोले बताए ।