बिहीवार बस्ने मन्त्रिपरिषद् बैठकले सचिवहरूको सरुवा गर्ने भएको छ । संस्कृति, पर्यटन तथा नागरिक उड्डयन मन्त्रालय र अर्थ मन्त्रालयमा दुई जना सचिव पठाउँदा अरु केही सचिवको पनि सरुवा हुने सम्भावना छ । 

पर्यटन मन्त्रालयका महेश्वर न्यौपाने गतसाता अवकाशमा गएपछि उक्त मन्त्रालयमा पनि सचिव पद खाली छ । अर्थ मन्त्रालयका सचिव मधु मरासिनी पनि अर्थमन्त्री जनार्दन शर्मा पुनः नियुक्त भएपछि मन्त्रालयमा हाजिर भएका छैनन् । 

मरासिनीले शर्मालाई पछिल्लो समय असहयोग गरेका कारण मन्त्रालय जान नमानेको र प्रधानमन्त्री कार्यालयमा सरुवा मागेर बसेका छन् । अर्थ मन्त्रालयका अनुसार मरासिनी गत आइतवारदेखि नै घर बिदामा छन् । अर्थ र पर्यटनमा सचिव पठाउँदा अरु मन्त्रालयका पनि सचिव हेरफेर हुने स्रोतले जनाएको छ ।