एमाले नेता भीम रावलले काठमाडौंमा फोहोर थुप्रिँदा पनि काँग्रेस नेतृत्वको सरकार रमिते बनेको भन्दै कटाक्ष गरेका छन् । उनले २०४८ पछि कांग्रेस नेतृत्वको सरकार छँदा काठमाडौं फोहरको डंगुर भएको उल्लेख गर्दै अहिले पनि उसकै नेतृत्वमा सरकार हुँदा राजधानी फोहोरको दुर्गन्धले आक्रान्त भएको बताएका छन् । 

‘२०४८ पछि नेकां नेतृत्वको सरकार छँदा काठमाडौं फोहोरको डंगुर भएको थियो। अहिले नेकां नेतृत्वको सरकार छ, राजधानी फोहोरको दुर्गन्धले आक्रान्त छ’, उनले ट्वीटरमा लेखेका छन्, ‘नेकां सरकार र फोहर तथा विकृत राजनीतिको कस्तो गहिरो सम्बन्ध !’

 फोहर व्यवस्थापन नगरपालिकाले गर्नुपर्ने भएपछि राजधानी यति फोहर हुँदा सरकार रमिते बन्न नमिल्ने उनको भनाइ छ ।