अमेरिकाले रुसमाथि आर्थिक प्रतिबन्ध लगाएको भए पनि चीन–रुस व्यापार थप उचाइमा पुगिरहेको छ । 

चीनबाट रुसतर्फ जाने सामानको निर्यात आकासिएको छ । अमेरिकी प्रतिबन्धका कारण पश्चिमी ब्रान्डहरू रुसबाट निस्केपछि तिनको ठाउँ चिनियाँ कम्पनीहरूले लिन थालेका छन् । 

ब्लूमबर्ग पत्रिकाका अनुसार, गत जुलाई महिनामा चिनियाँ सामानको निर्यात एकतिहाइले बढेको छ । 

चीन र रुसको द्विपक्षीय व्यापार बढेर ९७.७१ अर्ब डलर पुगेको छ । अघिल्लो वर्षको तुलनामा यो २९ प्रतिशतको वृद्धि हो । 

सन् २०२१ को तुलनामा यो वर्ष दुई देशको व्यापार बढेर कीर्तिमान भत्काउने अपेक्षा छ । ग्लोबल टाइम्सका अनुसार, अघिल्लो वर्ष द्विपक्षीय व्यापार १४६.८७ अर्ब डलर रहेकोमा यसपालि त्यसभन्दा बढी व्यापार हुनेछ ।