पूर्व प्रधानमन्त्री डा. बाबुराम भट्टराईले नागरिकता विधेयकलाई जोडेर राष्ट्रपतिले सैनिक/पूर्व सैनिक अधिकारीसँग परामर्श गर्नु संविधान अनुकूल नभएको बताएका छन् ।

बिहीवार सामाजिक सञ्जाल ट्विटरमा लेख्दै डा. भट्टराईले नेपालको संविधानले राष्ट्रपतिलाई कहीँकतै स्वविवेकीय अधिकार नदिएको तर्क गरे ।

उनले लेखेका छन्, ‘नागरिकता विधेयकलाई जोडेर राष्ट्रपतिले सैनिक/पूर्व सैनिक अधिकारीसँग ‘परामर्श’ गरेको खबर साँचो हो भने त्यो नेपालको संविधान अनुकूल भएन । नेपालको संविधानले राष्ट्रपतिलाई कहीँकतै स्वविवेकीय अधिकार दिएको छैन । चुनावको मुखमा ‘राष्ट्रवादी’ उत्तेजना फैलाएर अमूक दल/नेतालाई सघाउन खोजेको भए झन् भएन !’