×

X
Nic Asia
Dabur
Khukuri

महाअभियोग सिफारिस समितिमा चोलेन्द्र

सिंहदरबारमा चोलेन्द्रको ५ घण्टे बयान : ४ प्रश्नको जवाफ दिए, संसद्को खाजा पनि स्वीकारेनन् !

काठमाडाैं | भदौ १५, २०७९

NTC
Argakhanchi Cement
Premier Steels
TVS INSIDE

नेपालको संसदीय इतिहासमा बुधवार एउटा दुर्लभ दृश्य देखियो । कानूनको कठघरामा उभिने प्रतिवादीलाई बयान गराउने काम गर्दै आएका निलम्बित प्रधानन्यायाधीश चोलेन्द्रशमशेर राणा संसदीय कठघरामा उपस्थित भएका थिए ।

LAxmi BAnk
nabil BANK inside

न्यायिक इजलासमा रहँदा प्रतिवादीसँग सवालजवाफ गरी बयान लिने गरेका राणा बुधवार भने बयान लिनेभन्दा पनि दिने कार्यका लागि संसदको महाअभियोग सिफारिस समितिमा उपस्थित भएका थिए । प्रधानन्यायाधीश पदको दुरुपयोग गरी संविधान तथा कानूनले निर्दिष्ट गरेको कामभन्दा विपरीत काम गरेको २१ अभियोगसहित ४३ प्रश्नहरूसाथ ११ जना सांसदहरूले राणालाई विभिन्न सवालजवाफ गरेका थिए ।


Advertisment
RMC TANSEN
cg elex island
NIC ISLAND BOX

बिहान १०ः५६ बजे संसद पुगेका राणा १ घण्टा सचिवालयमा कुरे, सचिवालयको चिया अस्वीकार 

महाअभियोग सिफारिस समितिले उनलाई बयानका लागि ११ बजे बोलाएको थियो । १०ः५६ बजे उनी संघीय संसद सचिवालय पुगेका थिए । सिफारिस समितिका सचिव समेत रहेका संघीय संसदका सहसचिव लक्ष्मीप्रसाद गौतमले राणालाई सचिवालयमा पुर्‍याएका थिए । गौतमले राणालाई संघीय संसदका सचिव ध्रुवप्रसाद गौतमको कार्यकक्षमा लगेर बसाएका थिए । सचिव गौतमको कार्यकक्षभित्र पुर्‍याइएका राणालाई एक्लै छाडिएको थिएन ।


Advertisment
Saurya island

जतिबेला राणा गौतमको कार्यकक्षमा पुगेका थिए, त्यतिबेला गौतम अनुपस्थित थिए । संसद सचिवालयमा कार्यरत एक कर्मचारीका अनुसार संसदको कार्यव्यवस्था शाखाका शाखा अधिकृत राजन घिमिरे, समितिका सचिव गौतम र राणा गरी ३ जना करीब आधा घण्टासम्म बसेका थिए ।

‘सचिवालयको तर्फबाट उहाँलाई हामीले चिया अफर गरेका थियौं तर भर्खर खाना खाएर आएको हुनाले चिया नखाने भन्दै हाम्रो अफर उहाँले अस्वीकार गर्नुभयो,’ ती कर्मचारीले लोकान्तरसँग भने, ‘आधा घण्टापछि सचिव श्रीमान् पनि त्यहाँ पुग्नुभएको थियो ।’

Vianet communication
IME BANK INNEWS

१ घण्टाभन्दा बढी समय कुरेका राणाले त्यहाँ उनीसँगै बसेका ३ जना कर्मचारीहरूसमक्ष धेरै कुराकानी गरेनन् । ‘त्यस्तै हो, हामीले फेस गर्नुपर्छ । हामी सार्वजनिक निकायमा बसेका सार्वजनिक मानिसहरूले फेस गर्नुपर्छ, नियमले, संविधानले व्यवस्था गरेका कुराहरूमा हामी पछि हट्नु हुँदैन,’ राणाले ती कर्मचारीहरूसमक्ष भनेका भनाई उदृत गर्दै एक कर्मचारीले लोकान्तरसँग भने ।

समितिको खाजा राणाले गरे अस्वीकार

१२ बजे समितिले उनलाई बयानका लागि बोलाएको थियो । उनी पुगेलगत्तै पत्रकारहरूलाई फोटो लिन समितिले अनुमति दिएको थियो । ५ मिनेटपछि सबै सञ्चारकर्मीहरूलाई समितिका ज्येष्ठ सदस्य रामबहादुर बिष्टले बयानको सबै भिडियो पत्रकारलाई पछि उपलव्ध गराउने भन्दै बाहिर निस्किन भनेका थिए ।

१२ बजेदेखि १ः४५ बजेसम्म समितिका सदस्यहरूको प्रश्न, राणाको जवाफ र त्यसपछिको प्रतिप्रश्नको क्रम जारी थियो । १ः४५ बजे टिफिन ब्रेक भयो । समितिका सबै सांसददेखि कार्यरत कर्मचारीका लागि फलफूल तथा मःमसहित खाजा पुर्‍याइएको थियो । समितिले राणालाई पनि खाजा अफर गरेको थियो तर राणाले खाजा खाएनन् ।’

‘समितिले उहाँलाई पनि खाजा खान अफर गरेको थियो तर म बिहान र बेलुका २ समय मात्र खान्छु, खाजा खाने गरेको छैन भन्दै उहाँले खाजा लिनुभएन,’ समिति सदस्य समेत रहेका सांसद एकबाल मियाँले लोकान्तरसँग भने, ‘त्यसो हो भने म चिया लिन्छु भन्दै उहाँले एक कप चिया मात्र खानुभयो ।’ 

४ घण्टामा ४ प्रश्न !

बुधवार राणासँग कूल ४ वटा प्रश्नहरूको मात्र बयान लिइएको छ । सांसद मीनबहादुर विश्वकर्माले समितिले राणालाई सोधेका प्रश्नको जवाफमा राणाले लामो–लामो भनाई राखेका कारण पनि समस्या भएको बताउँछन् । ‘उहाँलाई सोधेको प्रश्नमा उहाँ आफैंले लामो–लामो उत्तर दिनुभयो, सोही क्रममा विभिन्न प्रतिप्रश्नहरू सोधियो, त्यसकारण आज ४ वटा प्रश्नहरू मात्र भ्याइयो,’ उनले भने ।

समितिले कूल ४३ प्रश्नहरू तयार गरेको छ । त्यसबाहेक अन्य सर्वसाधारण नागरिकले इमेलमार्फत समितिमा पुर्‍याएको १६ सय पाना प्रश्नहरू केलाएर थप केही प्रश्नहरू राख्ने तयारी छ ।

आफ्नो बचाउभन्दा पनि नेता, न्यायाधीश, वकिलप्रति नै प्रतिप्रश्न

राणालाई सोधिएको प्रश्नको उत्तरका क्रममा राणाले आफ्नो बचाउ गर्नुका साथै सहकर्मी न्यायाधीश, कानून व्यवसायीदेखि महाअभियोग प्रस्ताव दर्ता गर्ने सांसदहरूलाई नै प्रतिप्रश्न गरेका थिए । ‘सहकर्मी न्यायाधीशहरूले आफ्नो राजीनामा माग गर्दै वरिष्ठतम न्यायाधीश दीपककुमार कार्कीलाई प्रधानन्यायाधीश हुन मार्ग प्रशस्त गर्न अत्यधिक प्रेसर दिए, त्यो नमानेपछि न्यायाधीशहरूले आफूविरुद्ध विद्रोह गरेको उहाँले बयान दिनुभएको छ,’ सांसद विश्वकर्माले लोकान्तरसँग भने, ‘न्यायाधीश नियुक्तिदेखि कर्मचारीको सरुवा लगायतका काममा बारले तथा न्यायाधीशहरूले प्रेसर दिए पनि नमानेपछि महाअभियोग प्रस्ताव दर्ता भएको उहाँको जिकिर थियो ।’

नेपाल बार एशोसिएशनका तत्कालीन अध्यक्ष चण्डेश्वर श्रेष्ठ र महासचिव लिलामणि पौडेललाई न्यायाधीश नबनाएको प्रतिशोधमा बारले आन्दोलन गरेको उनले बयान दिए । संयुक्त इजलासबाट भएको फैसलालाई आधार मानेर सांसदहरूले महाअभियोग लागेको हो भने आफूलाई मात्र बलिको बोका बनाएर अन्य न्यायाधीशलाई उन्मुक्ति दिएको बयान दिएका थिए ।

‘उहाँले न्यायाधीशहरू, कानून व्यवसायी समेतलाई मुछ्नुभएको छ । उहाँले भन्नुभएको कुरा ठीक हो वा होइन भन्ने कुराको परीक्षणका लागि समितिले ती न्यायाधीश, कानून व्यवसायीसँग समेत बोलाएर बयान लिन सक्ने विषयमा समेत समितिले छलफल गरिरहेको छ,’ सांसद प्रमोद साहले लोकान्तरसँग भने ।

आफू स्वतन्त्र नागरिक भन्दै चोलेन्द्रको दाबी – नियम ६५ अनुसार महाअभियोग स्वतः निष्क्रिय

जबराले आफूविरुद्ध दर्ता भएको महाअभियोग प्रस्ताव सोही अधिवेशनमा छलफल नभएपछि स्वतः निष्क्रिय हुने संसद् नियमावलीको व्यवस्था रहेको बताए । प्रतिनिधि सभाको महाअभियोग सिफारिस समितिमा बुधवार बयान दिँदै जबराले प्रतिनिधिसभा नियमावलीको नियम ६५ को व्यवस्थाअनुसार प्रस्ताव स्वतः निष्क्रिय भएको दाबी गरे ।

‘प्रतिनिधिसभा नियमावलीको नियम ६५ मा चालू अधिवेशनमा दर्ता भएको प्रस्तावमाथि छलफल नभएमा स्वतः निष्क्रिय हुनेछ भन्ने व्यवस्था छ । यसको व्याख्या कसले गर्ने हो ?’ जबराले समितिमा प्रतिपश्न गरे ।

उनीविरुद्ध प्रतिनिधि सभाको हिउँदे अधिवेशन चलिरहेको समयमा फागुन १ गते महाभियोग प्रस्ताव दर्ता भएको थियो । फागुन २९ गते प्रतिनिधि सभामा पेश भई महाअभियोग सिफारिस समिति गठन भएको थियो तर संसद्को बजेट अधिवेशनमा साउन २२ गते प्रतिनिधि सभाले प्रस्ताव सिफारिस समितिमा पठाएको थियो । 

आफ्नो भनाइ राख्ने क्रममा शुरूमा राणाले महाअभियोग प्रस्ताव निष्क्रिय भएको दाबी गर्दै संसद्को सम्मानका लागि स्वतन्त्र व्यक्तिको हैसियमा उपस्थित भएको बताएका थिए ।

जबराले आफू निलम्बित प्रधानन्यायाधीशको रूपमा नभई स्वतन्त्र नागरिकको रूपमा आएको उनले दाबी गरे ।

‘सेटिङ’को आरोपमा चोलेन्द्रले दिए इराकमा नेपाली मारिएको घटना उदाहरण

राणाले प्रतिनिधिसभा पुनःस्थापनामा ‘सेटिङ’ गरिएको भन्ने कुरा अफवाह भएको बताएका छन् । उनले मन्त्रिपरिषद्मा भागबण्डा नमागेको समेत दाबी गरे । 

प्रतिनिधि सभाको महाअभियोग सिफारिश समितिमा बुधवार बयान दिँदै जबराले संविधान र कानूनअनुसार प्रतिनिधिसभा पुनःस्थापना भएको भन्दै कुनै ‘सेटिङ’ नभएको बताए । 

‘एक्लो बृहस्पति झूटो हुन सक्छु । पुनःस्थापनामा कुनै ‘सेटिङ’ भएको छैन । मन्त्रिपरिषद्मा भागबण्डा खोजेको भन्ने आरोप पनि शतप्रतिशत झूटो हो । इराकमा ११ जना नेपाली मारिँदा पनि यस्तै अफवाह फैलाइएको थियो,’ जबराले भने । 

२०६१ सालमा इराकमा नेपाली मारिएको घटनापछि काठमाडौंमा म्यानपावरमा व्यापक तोडफोड भएको थियो ।

भ्रष्टाचार बढ्यो भन्ने आरोप शतप्रतिशत झूटो

राणाले आफ्नो पालामा अदालतमा भ्रष्टाचार बढ्यो भन्ने आरोप शतप्रतिशत झूटो रहेको दाबी गरेका छन् । अदालतमा भ्रष्टाचार र बिचौलिया बढे भन्ने आरोप लगाउन सजिलो भए पनि प्रमाण नहुँदासम्म भ्रष्टाचार बढ्यो भन्न नमिल्ने उनले बताए । प्रधानन्यायाधीशले अदालतमा भ्रष्टाचार बढ्यो भन्दै हिँड्दा अराजकता निम्तिने उनले बताएका हुन् ।

‘मेरो पालामा अदालतमा भ्रष्टाचार बढ्यो र भ्रष्टाचारीलाई संरक्षण गरियो भन्ने आरोप शतप्रतिशत झूटो हो,’ बेञ्च शपिङबारे सोधिएको एक प्रश्नमा राणाले भने ।

राणालाई बिहीवार ११ बजे बयानका लागि फेरि बोलाइएको छ ।

Maruti inside
Mega
NLIC
TATA Below
ncc inside
कात्तिक ११, २०७९

२०६४ सालको संविधानसभा निर्वाचनमा रौतहट र काठमाडौं दुवै ठाउँबाट पराजित भएपछि माधव नेपालले नेकपा एमालेको महासचिवबाट राजीनामा दिए ।  पार्टी पराजयको जिम्मा लिँदै महासचिवबाट राजीनामा दिएसँगै उनको र...

मंसिर १६, २०७९

आधुनिकताका नाममा परम्परागत गुन्द्री बुन्ने, दुनाटपरी बनाउने चलन हराउँदै गएको अवस्थामा एक विद्यालयले प्रयोगात्मकसँगै व्यावहारिक ज्ञान, सीप सिकाउने अभियान थालेको छ । कक्षा कोठाभित्र पढाइने सैद्धान्तिक ज्ञानले मा...

कात्तिक १९, २०७९

विराटनगरलाई औद्योगिक शहरका रूपमा चिनिन्छ । औद्योगिक शहरमा पछिल्लो समय १ युवा अर्ग्यानिक खानामा जोड दिइरहेका छन् । २२ वर्षीय अबिशेक गौतमले घरका भान्सा अर्ग्यानिक बनाउने प्रयास शुरू गरेका छन् ।  तरकारी...

मंसिर ४, २०७९

मंसिर ४ मा देशभर प्रतिनिधिसभा तथा प्रदेशसभा सदस्य चयनका लागि निर्वाचन भयो ।  यही निर्वाचनबाट चुनिएको संसद्ले सरकार गठन गर्छ । राष्ट्रपति र उपराष्ट्रपतिको चयन गर्छ । आफ्नो प्रतिनिधि चयन गर्ने यो चुनाव मत द...

असोज ३०, २०७९

एकवर्ष अघिसम्म सविना तिमिल्सिना दाहाललाई आफन्तको हालखबर बुझ्न हातमा मोबाइल बोकेर नेटवर्कको खोजीमा अग्ला डाँडामा पुग्नुपर्थ्यो ।  काभ्रेपलाञ्चोक जिल्लाको बेथानचोक गाउँपालिका वडा नम्बर १ निवासी दाहालका गाउ...

कात्तिक ११, २०७९

कैलालीको टीकापुर नगरपालिका–२ का वीरबहादुर चौधरी तिहारका दिन निकै हतारमा थिए । हतारमा घरबाट निस्केका उनले टीकापुर र बर्दिया जोड्ने कर्णाली नदीको सन्कट्टीमा १ घण्टा कुर्नुपर्‍यो । डुङ्गा (स्टिमर) क...

कांग्रेसको सांगठनिक व्यवस्थापन र सुदृढीकरणको प्रश्न : खै जेहेन्दारी प्रदर्शन ?

कांग्रेसको सांगठनिक व्यवस्थापन र सुदृढीकरणको प्रश्न : खै जेहेन्दारी प्रदर्शन ?

मंसिर २३, २०७९

चन्द्रमामा पहिलोचोटि पाइला राखेबापत निल आर्मस्ट्रङ्गलाई अमेरिका मात्र होइन, सम्पूर्ण संसारले सम्मान र इज्जत गर्‍यो । बज एल्ड्रिन र माइकल कोलिन्स पनि सँगै थिए । उनीहरू पनि पहिलो हुन सक्थे तर भएनन् । जब यानबाट...

साउदी अरबमा चिनियाँ राष्ट्रपतिको भव्य स्वागत– बदलिँदो विश्व राजनीतिको संकेत !

साउदी अरबमा चिनियाँ राष्ट्रपतिको भव्य स्वागत– बदलिँदो विश्व राजनीतिको संकेत !

मंसिर २२, २०७९

चीनका राष्ट्रपति सी चिनपिङ बुधवार अपराह्न साउदी अरबको राजधानी रियाद पुगेका छन् ।  सामान्यतया साउदीले आफ्नो सबभन्दा निकटतम साझेदार अमेरिकालाई भव्य स्वागत गर्ने गर्थ्यो भने यसपालि चिनियाँ राष्ट्रपतिलाई त्यस्...

हिन्दूराष्ट्र र आन्दोलित मानसिकता

हिन्दूराष्ट्र र आन्दोलित मानसिकता

मंसिर २२, २०७९

यतिबेला वनकाली सुमार्गी भवनमा वैदिक सनातन धर्मरक्षा राष्ट्रशान्ति विराट महायज्ञ सञ्चालन भइरहेको छ । यही मंसिर १५ गतेबाट शुरू भएको महायज्ञ २३ गते शुक्रवार समापन हुनेछ । वैदिक सनातन धार्मिक महासंघको आयोजनामा भए...

ad
x