नेकपा माओवादी केन्द्रले समानुपातिक उम्मेदवारसम्बन्धी मापदण्ड तय गरेको छ । बुधबार केन्द्रीय कार्यालय पेरिसडाँडामा  बसेको पार्टी पदाधिकारीको बैठकले मापदण्ड तय गरेको हो । 
जसअनुसार अन्तरिम व्यवस्थापिका बाहेक अरु समयमा समानुपातिक सदस्य भएकालाई नदोहोर्‍याउने, भर्खरै स्थानीय तहको निर्वाचनमा प्रतिस्पर्धा गरेकोलाई प्राथमिकता नदिने र सूची पेश गर्दा सम्बन्धित समितिको बैठकले अनिवार्य निर्णय गरेकै मापदण्ड तय गरिएको माओवादी केन्द्रका अध्यक्ष प्रचण्डका प्रेस संयोजक सूर्य किरणले जानकारी दिए । 

समानुपातिक तर्फका उम्मेदवारहरुको बन्द सूची तयार गर्नका लागि पार्टी प्रदेशहरूलाई भाद्र ३० गतेभित्र प्रतिनिधित्वको निर्धारित क्षेत्र छुट्याएर सर्ट लिस्ट पेश गर्न बैठकले निर्देशन दिएको छ ।