माओवादी केन्द्रले आगामी निर्वाचनको लागि निर्वाचन आयोगमा बुझाउने समानुपातिक तर्फका उम्मेदवारको बन्द सूचीका बारेमा पदाधिकारी बैठकमा छलफल गरेको छ । 

आइतवार पार्टी कार्यालय पेरिसडाँडामा बसेको बैठकमा समानुपातिक सूचीबारे छलफल भए पनि अझै निष्कर्षमा भने पुग्न बाँकी रहेको उपमहासचिव गिरिराजमणि पोखरेलले बताए । 

समानुपातिक सूचीको अन्तिम टुंगो लगाउन सोमवार बिहान पदाधिकारी बैठक बस्ने तय भएको उनले जानकारी दिए ।

निर्वाचन आयोगले असोज २ र ३ गते समानुपातिकतर्फका उम्मेदवारको सूची पेश गर्ने कार्यतालिका तय गरेको छ । 

ठूला दलहरूले भने सोमवार मात्रै समानुपातिकतर्फको बन्द सूचीमा आयोगमा बुझाउने भएका छन् ।