नेकपा माओवादी केन्द्रका वरिष्ठ उपाध्यक्ष नारायणकाजी श्रेष्ठले राष्ट्रपति विद्यादेवी भण्डारीले नागरिकता विधेयक प्रमाणीकरण नगर्नु गलत कदम भएको टिप्पणी गरेका छन् ।

बुधवार सामाजिक सञ्जाल ट्विटरमा प्रतिक्रिया जनाउँदै श्रेष्ठले राष्ट्रपतिलाई संविधानको उल्लंघन गर्ने छुट नभएको बताएका छन् ।

उनले लेखेका छन्, ‘नागरिकता विधेयकको प्रक्रिया र अन्तर्निहित मुद्दाहरूका सम्बन्धमा राष्ट्रपतिज्यूले सरोकार देखाउनुभएका कतिपय विचारहरूसँग हाम्रो सहमति छ तर राष्ट्रपतिलाई संविधानको उल्लंघन गर्ने छुट भने हुन सक्दैन । तसर्थ राष्ट्रपतिले नागरिकता विधेयक प्रमाणित नगर्नु संविधान विपरीतको गलत कदम हो ।’