सत्तारुढ गठबन्धनले लोकतान्त्रिक समाजवादी पार्टी (लोसपा) नेपालका वरिष्ठ नेता राजेन्द्र महतोलाई धनुषा–३ बाट उम्मेदवार बन्न प्रस्ताव गरेको छ ।

लोसपा स्रोतका अनुसार गठबन्धनमा सहभागी हुनका लागि प्रधानमन्त्री शेरबहादुर देउवाले महतोलाई धनुषा–३ प्रस्ताव गरेका हुन् ।

यद्यपि महतो सर्लाही–२ का लागि तयारी गरिरहेका छन् । उनी धनुषा–३ का निवर्तमान सांसद पनि हुन् । 

यसअघि सत्ता गठबन्धनले नेकपा एकीकृत समाजवादीका सचिवालय सदस्य रामचन्द्र झालाई उम्मेदवार बनाउने समझदारी गरिसकेको थियो । जसपा गठबन्धनबाट बाहिरिने भएपछि लोसपालाई समावेश गराउन प्रस्ताव गरिएको लोसपा स्रोतको दाबी छ ।