नेकपा एमालेका नेता भीम रावलले अध्यक्ष केपी शर्मा ओलीको लामो आलोचना गरे पनि पार्टीमै रहेर उम्मेदवारलाई निर्वाचनमा सघाउने बताएका छन् ।

एमाले अध्यक्ष केपी शर्मा ओलीमाथि विभिन्न आरोप लगाए पनि पार्टीमै रहेर संघर्ष गर्ने उनले बताए ।

काठमाडौंमा पत्रकार सम्मेलनको आयोजना गरेर पार्टीभित्र अन्तिम विन्दुसम्म संघर्ष गरिरहने उनले बताए । पार्टीमा ५ दशकदेखि आफ्नो योगदान रहेको भए पनि पार्टीभित्र गलत क्रियाकलापको विरोध गरिरहने उनले बताएका छन् ।

प्रतिनिधिसभा निर्वाचनमा अछाम–१ बाट एकल नाम सिफारिस गरिए पनि उनलाई टिकट नदिएर झपट बोहोरालाई टिकट दिइएको छ ।

चितवन महाधिवेशनमा उनले अध्यक्षका लागि उम्मेदवारी दिए पनि केपी ओलीसँग पराजित भएका थिए । नेकपा एमालेका उपाध्यक्ष समेत भइसकेका रावल उपप्रधानमन्त्रीसहित पटक–पटक मन्त्री समेत भइसकेका छन् ।