तिहारको छेको पारेर कात्तिक ४ गतेदेखि प्रदर्शनमा आउने चलचित्र ‘के घर के डेरा’ सेन्सर पास भएको छ । केन्द्रीय चलचित्र जाँच समितिले दीपेन्द्र के. खनाल निर्देशित यस चलचित्रलाई सोमबार युनिभर्सल सर्टिफिकेट प्रदान गरेको छ । 

अब, चलचित्र हरेक उमेर समूहका दर्शकले हेर्न सक्नेछन् । ‘के घर के डेरा’मा दयाहाङ राई, विपिन कार्की, वर्षा शिवाकोटी, सुरक्षा पन्तलगायतको मुख्य भूमिका छ । 

पशुपति प्रसाद’, ‘आमा’ जस्ता मन छुने चलचित्र बनाएका निर्देशक दीपेन्द्रले ‘चिसो मान्छे’पछि ‘के घर के डेरा’ निर्देशन गरेका हुन् । चलचित्रले बक्स अफिसमा राम्रो व्यापार गर्ने अपेक्षा गरिएको छ ।