काठमाडौंमा राति १० बजेसम्म मात्र रक्सी पसलहरू खोल्न पाइने भएको छ । काठमाडौंका प्रमुख जिल्ला अधिकारी एवं जिल्ला सुरक्षा समितिका अध्यक्ष घनश्याम उपाध्यायको अध्यक्षमा बसेको बैठकले रक्सी पसल १० बजेसम्ममात्र खोल्न दिने निर्णय गरेको हो । 

काठमाडौंका रात्रिकालीन व्यवसायलाई थप सुरक्षित, मर्यादित तथा व्यवस्थित गर्नका लागि यस्तो निर्णय गरिएको प्रमुख जिल्ला अधिकारी उपाध्यायले बताए । उनका अनुसार रक्सी पसलहरू बोतलबन्दी बिक्री राति १० बजेसम्म, रेष्टुरेन्ट राति १२  बजेसम्म, डान्स दोहोरी रेष्टुरेन्ट र लाउन्ज एण्ड बार २ बजेसम्म र क्लब तथा डिस्को बिहान ४ बजेसम्म खोल्न दिने निर्णय भएको छ ।