नेपाल बार एसोसिएसनका अध्यक्ष गोपालकृष्ण घिमिरेले ट्रयाकमा आइसकेको न्यायपालिकालाई खल्बल्याउन चोलेन्द्रशमशेर जबराविरुद्धको महाभियोग प्रस्ताव निष्कृय भएको पत्र लेख्ने षडयन्त्र भएको बताएका छन् । गैरकानूनी पत्र लेख्ने संसद् सचिवालयका महासचिवविरुद्ध अख्तियार दुरुपयोग गरेको कार्बाही हुनुपर्ने उनले माग गरे । 

शुक्रवार संवैधानिक इजलासमा चोलेन्द्रको निलम्बन फुकुवाविरुद्ध परेको रिटमाथिको सुनुवाइका क्रममा बार अध्यक्ष घिमिरेले एकजना मामुली कर्मचारीले संसद्को अधिकारलाइ तुहाउने काम गरेको दाबी गरेका हुन् । 

‘गैरकानूनी पत्र लेख्नेलाई अख्तियारको दुरुपयोग गरेकोले कार्बाही गर्न बारले माग गरेको छ । उनले सार्वभौम संसद्को वियालाई गरेर तुहाउने काम गरेका छन्’, घिमिरेले भने, ‘चोलेन्द्र जबरा निलम्बन भइसकेपछि, न्यायपालिका ट्रयाकमा आइसकेको अवस्थामा न्याप्रक्रियालाई खल्बल्याउने षडयन्त्रस्वरुप पत्र लेखियो । पत्र कार्यान्वयन नगर्नको लागि अन्तरिम आदेश जारी होस्’, घिमिरेले भने । 

कामु प्रधानन्यायाधीश हरिकृष्ण कार्की नेतृत्वको संवैधानिक इजलासमा शुक्रवार सुनुवाइ भइरहेको छ ।